Saturday, August 7, 2010
Friday, August 6, 2010
kalaymyo
ကလေးမြို့
ချင်းတွင်းမြစ်ရဲ့ အနောက်ခြမ်းမှာ ရှိတဲ့ စစ်ကိုင်းတိုင်း ကလေးမြို့ဟာ အတော်ကြီးတဲ့ မြို့ကြီးတစ်မြီု့ပါ။ အိန္ဒိယ နယ်စပ် တမူး ကုန်သွယ်ရေး လမ်းပေါ်က အချက်အချာ ကျတဲ့ မြို့ကြီးတစ်မြို့ ဖြစ်သလို ချင်းပြည်နယ်
မြောက်ပိုင်း မြို့တွေဖြစ်တဲ့ ဟားခါး၊ ဖလမ်း၊ ထန်တလန်၊ တီးတိန်၊ တွန်းဇံ မြို့တွေရဲ့ ဝင်ပေါက်လဲ ဖြစ်တဲ့အတွက် အလွန်ပဲ စည်ကားလှပါတယ်။
ကလေးမြို့ဟာ ကြီးမားကျယ်ပြန့်ပြီး လူဦးရေလဲ များပြားပါတယ်။ ရပ်ကွက်ကြီး (၄) ခုရှိပြီး တာဟန်း ရပ်ကွက်ကတော့ နာမည်ကျော်ပါတယ်။ ချင်းလူမျိုး အများအပြား နေထိုင်ကြပြီး မြို့ လူဦးရေရဲ့ ထက်ဝက်ခန့် ရှိပါတယ်။ ကလေးက ချင်းအများစုဟာ ချင်းပြည်နယ် မြောက်ပိုင်းက ဖြစ်ပြီး တီးတိန်က အများဆုံးပါ။
အားလုံးလိုလို ခရစ်ယာန် ဘာသာဝင်တွေ ဖြစ်ကြပါတယ်။ လူနေမှု အဆင့်မြင့်မားပြီး ဝတ်စား
ဆင်ယင်မှုလဲ ခေတ်မှီ ကြပါတယ်။
ကလေးကို မန္တလေး ကတဆင့် ကားနဲ့ သွားနိုင်သလို လေယာဉ်နဲ့လဲ သွားနိုင်ပါတယ်။ Air Bagan က တစ်ပါတ် (၂) ကြိမ် ပျံသန်းပါတယ်။ လက်မှတ်ခက ၆၈၀၀၀ ကျပ် ဖြစ်ပါတယ်။
ကလေးက ဟားခါး၊ တီးတိန်၊ တွန်းဇံ မှန်လုံကားတွေ နေ့စဉ်ထွက်ပါတယ်။ ကားကြီးဝင်း ကပါ။ တမူးကား တွေကတော့ ကားလေးဝင်းက နေ့စဉ် ထွက်ပါတယ်။
လေယာဉ်ကွင်းရှေ့မှာ တောင်ဇလပ်ဟိုတယ် ရှိပါတယ်။ ကားကြီးဝင်း အနားက ချင်းတောင်တန်း တည်းခိုခန်း ကတော့ သန့်ရှင်းသပ်ရပ်ပြီး ဈေးနှုန်း ချိုသာပါတယ်။ တစ်ဦးကို (၁၅၀၀) ကျပ်ပါ။ မနက်စောစော ဖလမ်း၊ ဟားခါးကား စီးမယ့် လူတွေအတွက် တည်းခိုဖို့ အဆင်ပြေပါတယ်
ကလေး - တမူး ကားတွေ ကလေး မြို့တွင်း ကားလေးဝင်း ကနေ နေ့စဉ် ထွက်ပါတယ်။ Van (Town Ace) နဲ့ မှန်လုံ ကားတွေ ပြေးဆွဲပါတယ်။ ကားကြီးတွေလဲ ပြေးဆွဲပေမယ့် ကုန်အဓိက တင်တဲ့ အတွက် လူစီးလို့ အဆင် မပြေပါဘူး။ Van ကား ၂၅၀၀ ကျပ်၊ မှန်လုံ ၂၀၀၀ ကျပ် ဖြစ်ပါတယ်။ ကလေးက နေ့စဉ် နံနက် ၇ နာရီ နဲ့ နေ့လယ် ၂ နာရီ ထွက်ပြီး၊ တမူးကနေ နံနက် ၉ နာရီနဲ့ နေ့လယ် ၂ နာရီ ထွက်ပါတယ်။
ကလေးက ကားမထွက်မီ မှတ်ပုံတင် တွေကို ကားမောင်းသူထံ အပ်နှံ ရပါတယ်။ ကလေး အထွက် စစ်ဆေးခြင်း မရှိပါ။ ကားလမ်းမှာ အထူးပင် ကောင်းမွန်ပါတယ်။ အိန္ဒိယ အကူအညီနဲ့ ဖေါက်လုပ် ထားတာလို့ သိရပါတယ်။ အချို့ နေရာတွေမှာ ကျင်း၊ ချိုင့် အနည်းငယ် ရှိသည်မှ အပ တော်တော် ကောင်းပါတယ်။
နှစ်လမ်းမောင်း ဖြစ်ပြီး လမ်းညွှန် ဆိုင်ဘုတ်များ ပြည့်စုံစွာ ရှိပါတယ်။
ကလေးက မိုင် (၆၀) ခန့်မှာ ခန်းပတ် မြီု့နယ်ခွဲကို ရောက်ရှိပါတယ်။ ခန်းပတ်မှာ ကားတွေ ခဏ ရပ်နားပြီး convoy ဖွဲ့၍ ရဲ၊ တပ် အစောင့် အရှောက်နဲ့ သွားရပါတယ်။ ခန်ပတ်မှ တမူး အထိ မိုင် (၃၀) ခန့်မှာ အိန္ဒိယ နယ်စပ်မျဉ်း တလျှောက် ဖောက်လုပ် ထားတာ ဖြစ်ပါတယ်။ တဖက်နိုင်ငံမှာ မဏိပူရ ခွဲထွက်ရေး သူပုန်တွေ လှုပ်ရှား နေတဲ့ အတွက် အစောင့် လိုက်ရတာပါ။ မြန်မာနိုင်ငံ ဖက်ခြမ်းမှာတော့ အေးချမ်းပါတယ်။
ကလေး - တမူး လမ်းပေါ်က ရွာတွေ ကြီးမားပြီး အိမ်ကြီး၊ အိမ်ကောင်း တွေလဲ ပေါပါတယ်။ စီးပွားရေး ကောင်းဟန် ရှိပါတယ်။ ချင်းအမျိုးသားတွေ အများအပြား နေထိုင်ကြပြီး ခရစ်ယာန် ဘုရားကျောင်းတွေ ရွာတိုင်းလိုလို ရှိပါတယ်။ လယ်ယာ မြေကောင်းတွေ ပေါများပါတယ်။
တမူးမြို့ အဝင်မှာ ကားဝင်း ရှိပါတယ်။ လမ်းမကြီး ဘေးမှာပါ။ ခရီးသည်တင် ကားနဲ့ ကုန်ကားတွေ ကိုပဲ စစ်ဆေးပြီး ဆိုင်ကယ်၊ စက်ဘီးတွေ ကတော့ လွတ်လပ်စွာ သွားလာနေ ကြပါတယ်။ ကားဝင်းက မထွက်မီ ခရီးသည် တွေရဲ့ ခရီးဆောင် အိတ်တွေကို စစ်ဆေးပါတယ်။ ပြီးတော့ မှတ်ပုံတင် တွေကို လဝက ကပြန်ပေးပါတယ်။
ကားဝင်း အပြင်ဖက်မှာ ဆိုက်ကားငှားပြီး တမူး မြို့တွင်းကို သွားနိုင်ပါတယ်။ လူနေ အိမ်ခြေ တွေက ကားဝင်းကို ကျော်ပြီး ရှိနေပါတယ်။ ကလေး - တမူး လမ်းဟာ အဆင်ပြေပြေ၊ သက်တောင့် သက်သာ သွားနိုင်တဲ့ ခရီးပါ။
Subscribe to:
Posts (Atom)